Susanna Jeanetta was die dogter van Carel Christiaan Nel en Jeanetta Wilhelmina Cloete.
Visser, Lodewikus
Laurens Johannes, B.A., B.D., D.D.: L.1941; 0.1942 Vereeniging; 1950 Wynberg;
1962 Kakamas.
DR LODEWIKUS
LOURENS JOHANNES VISSER (BA, BD, DD) (10.10.1918 - 17.03.1993)
L L J Visser is op
10 Oktober 1918 gebore. Hy matrikuleer aan die destydse "Nylstroom
Middelbare Skool" en was een van die eerste vyf studente van die Fakulteit
Teologie (Afdeling B) aan die Universiteit van Pretoria. Hy word gelegitimeer
in 1941 en sy eerste gemeente is Vereeniging. In 1950 aanvaar hy 'n beroep na
Wynberg by Kaapstad. Terwyl hy daar is,
skryf hy in vir sy doktorsgraad by die Universiteit van Stellenbosch met as
tema vir sy proefskrif: Die Algemene Openbaring. 'n Ramp tref hom egter
aangesien 'n proefskrif met dieselfde tema net op daardie tydstip in Amsterdam
die lig gesien het. In 1958 verskyn sy volgende proefskrif: Die verbond in die
teologie van Karel Barth. In 1971 gaan hy na
Newcastle en emeriteer daar na 13 jaar diens. Hy was getroud met 'n nooi Nel en
hulle het twee dogters en 'n seun gehad. Ds L L J Visser, junior, die seun wat
in sy pa se voetspore gevolg het, is tans predikant op Naboomspruit. Dr Visser se
roeping was vir hom 'n vreugde. Tien jaar lank het hy as predikant van Wynberg
die pastorale versorging gedoen van die Magdalena Huis vir ongehude moeders en
daar die wel en wee saam met hulle beleef. In sy hele
bediening het hy baie belanggestel in leerstellige en aktuele sake. Hy was dan
ook tot by sy aftrede voorsitter van die Algemene Kommissie vir Leer en Aktuele
Sake. Hy het ook in die moderatuur van die Sinode van Natal gedien. Dr Visser
was 'n formidabele man met 'n forse optrede. Hy het vertroue uitgestraal en
vertroue ingeboesem. Hy is op 17 Maart
1993 te Calitzdorp oorlede waar die egpaar hulle later tyd gevestig het.
(https://www.myheritage.com/person-5033849_148888701_148888701/dr-ds-lodewikus-lourens-johannes-visser)
Calitzdorp
Calitzdorp
Kinders:
k. L. L. J. VISSER (Ds.)
